Ampiasao ty Boky hoe Ho Azonao Tavy ty Fiaina Zisiky Farany! mba Hanampea Olo Hino ani-Jehovah Noho Jesosy

Tsy maintsy mana finoa matanjaky ty mpianatsy Baiboly mba hahafahany hampifaly a Ndranahary. (He 11:6) Lafa mampiasa ty boky hoe Ho Azonao Tavy ty Fiaina Zisiky Farany! tsika, le ho afaky hidosiky ty fon-drozy. Misy andinin-teny tena ilà ty ao, misy fanazavà mora azo, fanontanea soa fipetraky, video mahakinto, noho sary soasoa. Lafa manampy ani-mpianatsy iny hana toetsy kristiana noho hifandramby soa amy Ndranahary tsika, le manory amy fitaova tsy mety may.​—1Ko 3:12-15.

Sarotsy amin’olo sisany ty haneky hoe afaky minama amy Ndranahary ie, satria tsy hitany maso Ndranahary. Fe ino ty azontsika atao? Mila ampeantsika rozy mba hahay ani-Jehovah noho hatòky azy.

HENTEO TY VIDEO HOE AMPEO HINO ANI-JEHOVAH TY OLO, KA AMPIASAO TY BOKY “HO AZONAO TAVY TY FIAINA ZISIKY FARANY!” BAKEO VALEO FANONTANEA RETOA:

• Ino ty ahaizantsika hoe nanoma soa ranabavy iny lafa hampianatsy Baiboly?

• Ino ty mampiseho hoe nahay nametraky fanontanea fanampiny ie mba hahavy ani-mpianatsy iny hiresaky ty hevitsiny mikasiky ty Isaia 41:10, 13?

• Ino ty vokatsini-video iny noho andinin-teny rey tamy mpianatsy iny?

Maro ty olo tsy mahay soa ty vilim-panavota, na tsy mieritseritsy hoe natao-Ndranahary ho azy fanomeza io. (Ga 2:20) Ino ty azontsika atao? Mila ampeantsika rozy mba hino ty sorom-panavota nataoni-Jesosy.

HENTEO TY VIDEO HOE AMPEO HINO ANI-JESOSY TY OLO, KA AMPIASAO TY BOKY “HO AZONAO TAVY TY FIAINA ZISIKY FARANY!” BAKEO VALEO FANONTANEA RETOA:

• Ino ty ahaizantsika hoe nanoma soa rahalahy iny lafa hampianatsy Baiboly?

• Ino ty mampiseho fa nihainy soa ty nampiasa ani-raha amy “Diniho koa Retoa” eo reo mba hanampea ani-mpianatsy iny?

• Manino ro tena ilàni-mpianatsy iny ty vavaky?