Sekta Amerikanina va ty Vavolombelo Jehovah?

A Etazonia any ty foibenay. Fe tsy sekta amerikanina zahay satria:

• Misy mivola fa fivavaha niala tamy fivavaha bevata raiky ro atao hoe sekta. Fe ty Vavolombelo Jehovah tsy hoe niala tamy fivavaha raiky. Hitanay hoe nampimpoly ty Fivavaha Kristiana tamy taonjato voalohany zahay.

• Mazoto mitory amy tany fa mandilatsy ty 230 any ty Vavolombelo Jehovah. Ndre aia ndre aia ty misy anay, le Jehovah Ndranahary noho Jesosy Kristy avao ro tsy ivalihanay, fa tsy ty fanjakà amerikanina na ty fanjakà hafa andesy ty olombelo.—Jaona 15:19; 17:15, 16.

• Baka amy Baiboly ao iaby ty fampianaranay fa tsy baka amy raha nisoraty ty mpitariky fivavaha a Etazonia any.—1 Tesalonianina 2:13.

• Jesosy Kristy ro orihinay fa tsy mpanday fanjakà olombelo.—Matio 23:8-10.