Ino ty toko’e hatao’ao?

50 Ta ho velo fahizay ami’zay paradisa mahavareaka zay va iha?

Mianara misimisy ndzaike moa mikasike ty raha volani’Andzanahare. Mikezaha mianatse mamaky ty Baiboly.—Jaona 17:3; Apokalypsy 1:3

51 Mianara misimisy ndzaike ty ami’i Jesosy.—Deoteronomia 18:18, 19; Jaona 3:16; Asan’ny Apostoly 3:19-23

52 Mikezaha hanao raha soa avao voho hanorike ty safà’i Jehovah.—Romana 6:17, 18, 22

53 Tiarovo fa nivola i Jehovah fa tsy mahazo mamono olo tsika.—Eksodosy 20:13; 1 Jaona 3:11, 12

54 Tsy mahazo mangalake rahan’olo tsika.—Eksodosy 20:15; Efesiana 4:28

55 Tsy toko’e hiharo tsano noho hiharo fandzea raike ami’ty ampela raike ty lahilahy raike, laha tsy hoe le vali’e vita soratse io.—Eksodosy 20:14, 17; 1 Tesaloniana 4:3

56 Tiaro’ao va hoe firy ty valy neke’Andzanahare hanana’ty lahilahy raike? Haharitse mbia ty toko’e hipetsaha’ty lahilahy ami’ty vali’e?—Genesisy 2:22, 24; Matio 19:5, 6; 1 Korintiana 7:2, 10, 11

57 Tiarovo fa i Jehovah raike avao ro toko’e hotompoentsika.—Matio 4:10; 1 Korintiana 8:6

58 Tsy afake manampe antsika ty sampy noho ty sary. Nanino?—1 Korintiana 8:4

Soa va ty mana sampy?—Deoteronomia 27:15; 1 Jaona 5:21

59 Ino ty maha raty ty mità aoly voho ty mampiasa aze?—Deoteronomia 18:10-13; Apokalypsy 21:8

60 Nanohitse an’Andzanahare anjele raty reo, demonia reo. Mampiasa ambiasa manambara ty hoavy roze hamitaha ty olombelo.—Asan’ny Apostoly 16:16

61 Toko’e hivavake ami’Andzanahare tsika. Mivavake zao miresake ami’Andzanahare, mivola ami’e fa ta hanompo aze tsika noho mangatake ty fanampea’e.—Filipiana 4:6, 7

62 Toko’e hanorike ty resa’i Jesosy tsika noho hanoro finoa aze.—Hebreo 5:9; Jaona 3:16

63 Tiarovo fa maty hamonje antsika ie.—Romana 5:8

64 Tiarovo fa i Jesosy ro Mpanjakantsika tsy hita maso. Toko’e hanorike ty resa’e tsika.—Filipiana 2:9-11; Apokalypsy 19:16

65 Nivola i Jesosy fa toko’e horesafi’ao ami’ty hafa ty raha soa ianara’ao. Nivola koa ie fa toko’e hatao batisa ze ta hanompo an’Andzanahare.—Matio 28:19, 20; Jaona 4:7-15

66 Ka le azo’ao resafy ami’ty nama’ao raha soa reny.—Matio 10:32

67 Laha mianatse mamaky teny soa iha, le ho afake hianatse soa raha maro, ka hahay soa hanampe ty hafa.—2 Timoty 2:15

68 Nampianatse ty ajà kea i Jesosy mba hanarake ty resa’Andzanahare. Tsy nanao aze ho sahira loatse ie ka hoe tsy afake ho niresake tamin-dzoze.—Matio 19:13-15

69 Ty rae amin-dzene toko’e hananatse tsy tapake ty ana’e mba hanarake ty resa’Andzanahare voho ho tea aze.—Deoteronomia 6:6, 7; Ohabolana 6:20-22; Efesiana 6:4

70 Misy fiangona maro samby hafa. Maro ami’ty raha ampianarin-dzoze reny ro tsy baka ami’ty Baiboly ao. Mivola amintsika i Jehovah mba hienga fivavaha tsy mampianatse ty fahamarina.—Apokalypsy 18:4; Jaona 4:23, 24

71 Mana olo an-tany eto i Jehovah, ka le afake roze reo mampianatse anao soa ty momba aze. Hai’ao va hoe ia roze reo?—Asan’ny Apostoly 15:14; Romana 10:14, 15

72 Vavolombelo’i Jehovah roze reo. Milongo soa roze reo. Hai’ao va hoe nanino? Foto’e mifankatea roze.—Isaia 43:10-12; Jaona 13:34, 35

73 Noho roze reo tea an’i Jehovah koa, le natao batisa roze. Ami’zay ro anambarà’e ami’ty olo maro fa nienga ty fomba fiaina’e raty ie, ka ta handane ty fiaina’e hanompoa an’Andzanahare.—Asan’ny Apostoly 2:41

74 Mitamà ty hiay ami’y paradisa vaovao soa zao ty Vavolombelo’i Jehovah.—Salamo 37:9-11, 29

Ino ty azo’ao atao soa hiaina’ao ao miarake amin-dzoze?—Jakoba 1:22, 25; 2:20-26

75 Miaraha amin-dzoze mianatse manompo an’i Jehovah. Tea noho manorike ty safà’i Jehovah noho i Kristy Jesosy roze reo. Tea an’i Jehovah noho i Jesosy koa va iha? Tea’ao va ty hanampe ty hafa hahay ty raha mikasike an’Andzanahare?—Jaona 6:45-47

76 Tea anao i Jehovah noho i Kristy Jesosy ka maniry ty hiaina’ao fahizay ami’y paradisa ao.—Jaona 3:16

Azo antoke fa le manjare te hifaly ami’ty fiaina an-tany eto fahizay iha, noho raha nianara’ao tami’ty sary noho ty fanazavà tanati’y bokikele toy ato. Laha ta hianatse misimisy ndzaike ty ami’zay iha, toroa’ay hevetse hiresake ami’ty Vavolombelo’i Jehovah. Ndza, azo’ao atao ty manoratse va mangatake olo hanoratse ho ahi’ao. Henteo ty adiresy ze marine anao ao ami’y lisitse ao ami’y pejy faharoe.