Fizarà 8

Ino ty Raha Soa Azonao Lafa Nimaty Jesosy?

Afaky ho velo tsy misy farany tsika lafa nimaty Jesosy. Jaona 3:16

Ampela manenty ty fasani-Jesosy, fe tsy nahita ty fatiny

Nisy ampela maromaro nandeha tan-dolo Jesosy any telo andro tafara ty nahafaty azy. Fe fa novelomy Jehovah ie, ka tsy nahita azy tao sasy ampela reo.

Niseho taminy apostoliny rey Jesosy, bakeo niakatsy an-danitsy any

Natao Jesosy ze nahità apostoliny reo azy.

Novelomy Jehovah Jesosy, nanjary anjely mahery ie sady tsy mety maty sasy. Hita mpianatsiny reo ty niakarany tan-danitsy any.

Novelomy Ndranahary Jesosy, le nataony mpanjaka Fanjakany io. Daniela 7:13, 14

Jesosy baka amy sezim-panjakà iny eo, manday ty vahoaky am-paradisa an-tany etoy

Nanao soro ty ainy Jesosy mba hanavota ty olombelo. (Matio 20:28) Nampanovy Jehovah azy raha zay soa tsika ho velo tsy misy farany.

Jesosy ro finily Jehovah ho mpanjaka handay tany toy. Hisy olo hiay an-danitsy any ho mpanjaka miaraky aminy. Misy 144 000 olo reo. Jesosy noho 144 000 reo ro handay baka an-danitsy any. Fanjakà Ndranahary ty fikaiha azy.—Apokalypsy 14:1-3.

Hanova tany toy ho paradisa Fanjakà Ndranahary io. Tsy hisy sasy amy zay ty vonoan’olo, halatsy, fijalea, mosary. Ho sambatsy ty olombelo.—Salamo 145:16.