FIANARA 14
Fanjakà Handay Tany toy Iaby
Hainao va Fanjakà resahintsika io?... Zay, Fanjakà Ndranahary. Hanova tany toy ho paradisa Fanjakà io. Teanao ho hay va Fanjakà io?...
Mana mpanjaka iaby ty fanjakà. Manday ty olo amy tany misy azy eo ty Mpanjaka. Ia ty Mpanjaka Fanjakà Ndranahary io laha hainao?... Jesosy Kristy. Mipetraky an-danitsy any ie. Sisa kely, le handay ty olo iaby an-tany etoy Jesosy Mpanjaka! Ho sambatsy va tsika lafa Mpanjaka amy tany toy iaby Jesosy?...
Ino ty raha fa tsy lininao amy Paradisa ao?
Ho falifaly biby tsika! Fa tsy hisy olo mialy sasy amy Paradisa ao. Hifankatea iaby ty olo. Fa tsy harary na ho maty sasy ty olo. Hahita ty jiky, haharè ty mareny, le hilay noho hitsamboko ty tsy mahay mandeha soa. Ho maro biby ty hany. Ty biby iaby ho mpinama, sady ho namantsika koa. Hovelomy ndraiky ty olo fa nimaty. Nianatsy mikasiky ampela noho lehilahy maromaro tsika tamy bokikely toy. Tao ry Rebeka, Rahaba, Davida noho Elia. Hovelomy ndraiky koa rozy! Teanao va ty hifankahita amin-drozy?...
Tea anao Jehovah, sady teany ho sambatsy iha. Ho velo zisiky farany amy paradisa soasoa ao iha, laha mianatsy mikasiky Jehovah noho manoriky ty safàny! Teanao va zay?...
VAKIO AMY BAIBOLINAO
Isaia 2:4; 11:6-9; 25:8; 33:24; 35:5, 6