Fampilira amy Fizarà 1

Ty famorona ro tantaràny voalohany amy Baiboly ao. Atorony antsika ty raha soasoa namboarini-Jehovah an-danitsy any noho an-tany etoy. Ampeo ty anakinao soa ho hitany fa sankarazany ty zavaboary sady soasoa biby. Atorò azy fa natao-Ndranahary mahavita raha maro mandilatsy biby io ty olo, satria nataony mahay mivola, mandiniky, mamoro raha, mihira, noho mivavaky. Anovo hainy soa hoe mahery noho hendry Jehovah, sady tena tea ty raha iaby niforoniny, anatini-zay tsika kiraidraiky.