Fampilira amy Fizarà Faha-3

Mivola ty Baiboly fa nisy olo nanompo ani-Jehovah avao tao maromaro tafarani-Ranobe iny. Fe vitsivitsy rozy. Raiky amy zay Abrahama. Nama-Jehovah ty nikaiha azy. Nanino ie ro nikaihy hoe nama-Jehovah? Ampeo ty anakinao soa ho hainy hoe tena mikarakara azy Jehovah, sady ta hanampy azy. Tsy nisalasala nangataky fanampea tamy Jehovah Abrahama noho ty lahilahy manam-pinoa hafa, manahaky an-dry Lota noho Jakoba. Afaky manao manahaky an-drozy koa tsika. Matokisa fa hataoni-Jehovah iaby ze raha nampitamaniny antsika.