Fampilira amy Fizarà Faha-4

Miresaky mikasiky ani-Josefa, Joba, Mosesy noho Israelita rey fizarà toy. Samby niaritsy ty raha nataoni-Devoly iaby rozy. Ty ilany nanaova raha tsy rariny, nigadrà, natao andevo, le nivonoa mihintsy aza. Fe samby narovani-Jehovah iaby rozy, ndre tsy nitovy aza ty fomba nanaovany ani-zay. Ampeo ty anakinao soa ho hainy hoe nanino mpanomponi-Jehovah reo ro tsy nivaliky ndre nampijalỳ aza.

Nandefa Loza Folo Jehovah mba hampitoroany fa mahery mandi- latsy ty ndranahary nivavahani-Ejipta ie. Resaho soa hoe akory ty niarovani-Jehovah ty vahoakiny taloha tany, noho ty iarovany ty vahoakiny henanizao.