Fampilira amy Fizarà Faha-10

Jehovah ty Mpanjakani-kila raha iaby zao. Niaro ty vahoakiny avao ie bakany zay, le mbo hanao ani-zay avao zisiky farany. Nanafaky ani-Jeremia baka amy lavaky mahafaty ao, ohatsy, ie. Navotany koa Sadraka noho Mesaka voho Abednego lafa tanaty laforo mirehitsy tao. Ho zay koa ty nataony tamy Daniela tanaty lavakini-liona tao. Niaro ani-Estera koa Jehovah, soa ho afaky hanavotsy ty firenena raiky aminy ie. Tsy hengany hisy avao ty raha raty. Manome toky antsika faminania mikasiky sarivongana noho hazobe iny, fa sisa kely le hanafaky ty raha raty ty Fanjakà-Ndranahary sady hanjaka amy tany toy.