FIANARA 4

Mahay Mampilitsy Andinin-teny

Matio 22:41-45

INO TY IANARA ATO? Ampiomano ty saini-mpijanjy anao alohani-hamakianao andinin-teny.

Diniho ty antony amakianao andinin-teny iny. Lafa mampilitsy andinin-teny, le anovo ze hahavy ty mpijanjy anao hieritseritsy ty hevitsy bevata teanao haboaky baka amy andinin-teny io.

Henteo ty safà manodidy. Hamarino soa tse ze raha hovolaninao laha hotononinao hoe ia ro mivola amy andinin-teny io ao, na ia ty nanoratsy ani-boky amy Baiboly ao io.
Aboaho fa ze volanini-Baiboly ro ekenao. Laha mino a Ndranahary ty olo iresahanao, le ampahatiarovo fa “Safà-Ndranahary” ty Baiboly, soa ho hitany fa anatiny ao ro misy ty tena fahendrea.
Ampeo ty mpijanjy anao mba ho kinto amy andinin-teny iny. Mametraha fanontanea raiky hovalea amy andinin-teny iny ao, na miresaha raha manahira hovahani-andinin-teny iny, na miresaha torolala ho hita amy tantara resahiny ao.

Eritsereto ze raha fa haini-mpijanjy anao mikasiky ani-foto-kevitsy noho andinin-teny iny. Anovo mahasariky ndre ty fampiliranao ani-andinin-teny mahazatsy rey, le ampeo ty mpijanjy mba ho parè hanenty azy soa ndraiky.