FIANARA 12

Soa Fanahy Noho Midary Olo

1 Tesalonianina 2:7, 8

INO TY IANARA ATO? Aboaho amy safànao ze tena tsapanao. Atorò hoe midary ty mpijanjy anao iha.

Eritsereto ty mpijanjy anao. Eritsereto ty raha manahira an-drozy mba hahafahanao manoma ty fonao. Miezaha hahatakatsy ty fihetseham-pon-drozy.
Filio soa ty safà hampiasanao. Miezaha hamelombelo, hampionona noho hampahery ty mpijanjy anao. Ka mampiasa safà mety hampeloky an-drozy, le ka manao safà manambany ty tsy mpino na ty finoa orihin-drozy amy eritseritsy malio.
Atorò hoe midary iha. Ataovo hitani-mpijanjy anao amy toetsini-feonao noho fihetsikinao fa tena midary vatany iha. Eritsereto ze raha asehoni-tarehinao. Manaova falifaly avao.

Ka foroseva na atao tafahoatsy ty fihetseham-ponao. Aboaho ty fihetseham-po voaresaky amy raha vakinao ao, fe ka mampifantoky sain’olo amy ty vatanao. Aboaho amy feonao fa soa fanahy noho midary olo iha.