FIANARA 13

Mazava Soa ty Hevitsy Horihy

Ohabolana 3:21

INO TY IANARA ATO? Ampeo ty mpijanjy anao mba hahatakatsy hoe tena mahakasiky azy ty foto-kevitsinao, le ambarao ze tokony hataony lafa hentea raha nianarany iny.

AKORY TY ANAOVA AZY?

Eritsereto ty mpijanjy anao. Diniho hoe manino rozy ro mila mijanjy ani-fanazavà ambaranao iny, le henteo hoe tampany manao akory amy foto-kevitsy iny ro tena hanampy an-drozy.
Ambarao ani-mpijanjy anao avao ze tokony hatao, lafa mandeha ty fanazavanao. Laha vo manomboky mivola iha, le tokony hahatsapa ty mpijanjy hoe: ‘Mahakasiky ahy zay.’ Lafa manazava ty hevitsy bevata kiraidraiky iha, le ambarao ty fomba hanoriha azy. Ka mivola raha amy ankapobeny avao.

Lafa miresaky fomba anoriha torolalani-Baiboly iha, le atorò hoe teanao ty mpijanjy sady tsapanao ty fihetseham-pon-drozy. Ka manao ze hahavy an-drozy hanome tsiny vata marè, fa ataovo ze hampitombo ty fitiavan-drozy noho ty finoan-drozy, sady matokisa fa hanosiky an-drozy hanao raha soa ty fon-drozy.