HIRA 159
Ameo Voninahitsy Jehovah
(Salamo 96:8)
1. Mbo misy avao va Jehovah?
Ia ty mandilatsy anao?
Fe naka lemboky toy va?
Le mbo henteanao tiavinao?
Ze volamena an-tany etoy
Ndre ho nihaiko namea
Tsy ampy hamaleako ani-zay.
Iha ro Ndranahary hatea.
(FIMPOLIA)
Maeva anao Jehovah Ndranahary
Ndre ty haja ndre ty hery.
Ho anao avao ty voninahitsy
Hira fideràko zao
Enganè ho janjinao.
2. Foiko ho anao lahy Jehovah
Ty androm-piainako iaby
Ty manompo anao, mahafaly
Tsy misy raha atakaloko azy.
Zaho vavolombelonao,
Mitory ty hasoanao.
Teako marè tombontsoa zay.
Ka tsy hieny aho laha mbo miay.
(FIMPOLIA)
Maeva anao Jehovah Ndranahary
Ndre ty haja ndre ty hery.
Ho anao avao ty voninahitsy
Hira fideràko zao
Enganè ho janjinao.
3. Ty asan-tananao iaby iaby
Na ambany etoy na anabo eny
Le samby tena mampieky
Hoe iha ro farany hendry.
Iha Jehovah ro mpamoro,
Ka naha olo ty olo.
Ho anao ty dera noho ty laza.
Sanatria hameako olo hafa.
(FIMPOLIA)
Maeva anao Jehovah Ndranahary
Ndre ty haja ndre ty hery.
Ho anao avao ty voninahitsy
Hira fideràko zao
Enganè ho janjinao.
(Henteo koa Sal. 96:1-10; 148:3, 7.)