Anovo Maninto Olo Ty Raha Horesahinao

Ino ty Nataoni-Jesosy?

VIDEO: Jesosy Noho Ampela Nantsaka Rano Iny

1. Henteo VIDEO io, na vakio Jaona 4:6-9. Bakeo diniho fanontanea retoa:

1. Ino ty raha nidinihini-Jesosy alohani-hiresahany amy ampela iny?

2. Nivola Jesosy hoe: “Ameo rano aho hinomiko.” Nanino raha zay ro nety soa mba hanombohan-dresaky?

Ino ty Ianarantsika Baka amy Jesosy?

2. Ho moramora amintsika ty hiresaky amin’olo laha raha mahakinto azy ro resahintsika lafa tsika manombo-dresaky.

Tahafo Jesosy

3. Mahaiza mandanjalanja. Marina hoe fa nanoma ty raha horesahinao iha, fe tsy voatery ho iny avao ro horesahy amin’olo. Ze raha malaza na mety fa eritseretin’olo ro anovo fampidiran-dresaky. Eritsereto zao:

1. ‘Ino ty raha malaza amy vaovao?’

2. ‘Ino ty raha resahin’olo mbaminay etoy, ty mpiaraky miasa amiko, na ty mpiaraky mianatsy amiko?’

4. Mahaiza mandiniky. Eritsereto zao:

1. a. ‘Manao ino olo toy? Ino ty raha mety hoeritseretiny?’

2. b. ‘Laha fahitako akanjony, pozipoziny na tranony zao, olo manao akory toy, ino ty raha inoany?’

3. d. ‘Mety amin’olo toy avao va fotoa iresahako aminy zao?’

5. Janjino ie.

1. Ka be resaky.

2. Anovo ze hahavy azy hiresaky ty hevitsiny. Laha tsy mampanino, le mametraha fanontanea.