Ferineso ty Olo Iresahanao

Ino ty Nataoni-Jesosy?

VIDEO: Jesosy Miferinay ani-Vahoaky Rey

1. Henteo VIDEO io, na vakio Marka 6:30-34. Bakeo diniho fanontanea retoa:

1. Nanino Jesosy noho apostoliny rey ro mba ta ‘hitoka’?

2. Ino ty nahavy ani-Jesosy hampianatsy ani-vahoaky rey?

Ino ty Ianarantsika Baka amy Jesosy?

2. Laha miferinay olo tsika le tsy hoe hiresaky ty vaovao soa amin-drozy avao fa ta hanampy an-drozy koa.

Tahafo Jesosy

3. Mijanjina soa. Engao ie hiresaky ty raha am-pony ao. Ka tapahy na ovà ty raha volaniny lafa ie miresaky ty fihetseham-pony, ty raha mampiasa loha azy, na ty hevitsiny. Laha mijanjy azy soa iha le asehonao hoe vatan-draha aminao ty raha eritseretiny.

4. Eritsereto olo kinto iny. Lafa iha miresaky aminy, le eritsereto zao:

1. ‘Manino ie ro mila maharè ty fahamarina?’

2. ‘Manino ty fianara Baiboly ro hanampy azy hana fiaina soa henanizao noho amy hoavy?’

5. Miresaha foto-kevitsy afaky manampy azy. Ka mandiny ela fa avy le atorò azy hoe hahita ty valini-fanontaneany ie laha mianatsy Baiboly sady hahazo torohevitsy afaky manampy azy.