MANAOVA MPIANATSY
FIANARA 11
Anovo Mora Azo ty Fampianaranao
Torolala: ‘Laha tsy mora azo ty raha volaninareo, akory ty hahaizan’olo azy?’—1 Kor. 14:9.
Ino ty Nataoni-Jesosy?
1. Henteo VIDEO io, na vakio Matio 6:25-27. Bakeo diniho fanontanea retoa:
Akory ty nampisehoani-Jesosy hoe mikarakara antsika Jehovah?
Marina fa nahay raha maro mikasiky voro Jesosy, fe nanino ie ro tsy niresaky tsipiriany maro? Nanino ro nety soa raha nataony io?
Ino ty Ianarantsika Baka amy Jesosy?
2. Laha mora azo ty fampianarantsika, le ho tiaron’olo ty raha ampianarintsika azy sady hidosiky ty fony tsika.
Tahafo Jesosy
3. Ka be resaky. Mety hahay raha maro mikasiky foto-kevitsy raiky iha, fe soa laha tsy resahinao iaby ze raha mikasiky ani-raha iny fa aleo mifantoky amy raha voaresaky amy fitaova ianaranareo iny avao. Lafa baka nametraky fanontanea iha, le mandinisa tse zisiky hamaleani-mpianatsy iny. Laha tsy hainy ty valini-raha iny na diso ty valin-teniny, le mametraha fanontanea fanampiny mba hanampea azy hahay ani-raha iny. Lafa haini-mpianatsinao iny ty hevitsy bevata, le mifindrà amy hevitsy manaraky.
4. Ampeo mpianatsinao iny mba ho hainy ty mampifandramby ani-raha vaovao vo nianarany iny amy ty raha fa hainy. Laha hianatsy mikasiky fameloma ty maty, ohatsy, nareo, le soa laha dinihinao kelikely tse hoe ino ty raha fa haini-mpianatsinao iny mikasiky ty maty.
5. Filio soa ty fanohara hampiasanao. Alohani-hampiasà fanohara, le eritsereto zao:
a. ‘Tsotra va fanohara toy?’
b. ‘Ho mora azoni-mpianatsiko iny va raha toy?’
d. ‘Hanampy ani-mpianatsiko iny hahatiaro ty hevitsy bevata va raha toy, sa lasa fanohara toy koa ro ho tiarony?’