Tsy Nivaliky Mihintsy Joba

Nipetraky ta Oza tany Joba tamy Israelita rey niandevo ta Ejipta tany. Tsy Israelita ie fe nanompo ani-Jehovah sady tsy nivaliky taminy. Mpanarivo noho maro anaky ie, sady mpanoro hevitsy nihajàn’olo tan-tanà teo satria mpitsara tsy manavakavaky. Tea manampy ty mahantra ie. Lahilahy tsy nivaliky Joba.

Nasehoni-Joba mazava soa fa teany mandilatsy ty vatany Jehovah

1:8-11, 22, 2:2-5

•  Nihitani-Satana hoe tsy mivaliky Joba. Tsy niankany ie hoe tsy manoriky ty safàni-Jehovah Joba. Ty antony nahavy ani-Joba nanao ani-raha zay ro nivolaniny hoe raty

•  Nivola Satana hoe fitiavan-tena ro nahavy ani-Joba nanompo a Ndranahary

•  Mba hamalea fandratiratia nataoni-Satana zay, le nengàni-Jehovah hampijaly ani-lahilahy tsy mivaliky io Satana. Naravani-Satana iaby ty raha mikasiky ani-Joba

•  Ty olo iaby koa ro nivolanini-Satana hoe hivaliky lafa hitany fa tsy nivaliky Joba

•  Tsy nanota Joba sady tsy nanome tsiny a Ndranahary amy kila raha raty