FANAJARIA BOKY ahi-ty Vavolombeloni-Jehovah

ahi-ty Vavolombeloni-Jehovah

mwb16 Avrily p. 3
Anovo Mampahery Olo ty Safànao

Fiaina Noho Fanompoa Kristiana: Kahiem-pivoria—2016

mwb16 Avrily p. 3

HANANA LAFOVILY BAKA AMY BAIBOLY | JOBA 16-20

Anovo Mampahery Olo ty Safànao

Tokony hampahery ty safàni-mpanoro hevitsy

16:4, 5

Nikivy marè Joba, le mba nila olo hanampy noho hampahery azy
Tsy nampahery ani-Joba namany telo rey fa vomaiky nanome tsiny azy noho nampanjeky ty fijaleany

Nalahelo noho nitaray Joba tratsini-safàni-Bildada rey

19:2, 25

Nitaray tamy Ndranahary Joba mba haivaiva. Nangataky ho maty mihintsy aza ie
Nitamà avao Joba hoe mbo hovelomy ndraiky, ka tsy nivaliky mihintsy ie ndre nisy fitsapà

Elifaza miresaky amy Joba, le Bildada noho Zofara manenty

MPANDRATIRATY ANI-JOBA REY:

Elifaza:

Mety baka a Temana amy tanini-Edoma any. Miresaky ty Jeremia 49:7 fa baka a Temana ao ro nahazoani-Edomita fahihira
Mety ho Elifaza ty farany zoky noho eken’olo safà tamin-drozy telo lahy, le ie ro nivola voalohany. Nandramby fivolana intelo ie sady ty safàny ro nilava marè tamy ty ahin-drozy iaby

Ty fandratiratia nataony:

Nivola ie fa tsy misy dikany ty tsy fivalihani-Joba sady tsy matoky ty mpanompony Ndranahary (Joba 4, 5)
Nivola ie hoe raty fanahy noho mahasakisaky fahatany Joba sady tsy matahotsy a Ndranahary (Joba 15)
Nivola ie hoe tea tena noho tsy manao ty rariny Joba sady tsy misy dikany amy Ndranahary ty olombelo (Joba 22)

Bildada:

Tarihani-Soaha. Mety narìny Vavarano Efrata mbeny ty tanà nisy azy
Ie ty nivola faharoe. Nandramby fivolana intelo ie. Boribory ty safàny fe maharary marè mandilatsy ty ani-Elifaza

Ty fandratiratia nataony:

Nivola ie fa maeva ani-anakini-Joba reo ty raha mahazo an-drozy satria nanao raha tsy mety rozy, sady nivolaniny koa hoe tsy natoky a Ndranahary Joba (Joba 8)
Nivola ie fa mpanao raha raty Joba (Joba 18)
Nivola ie fa tsy ahoa-Ndranahary ndre mivaliky ndre tsy mivaliky ty olo (Joba 25)

Zofara

Namatita ie, mety ho baka amy faritsy avaratsy andrefani-Arabia
Ie ro nivola fahatelo fe ty safàny ro nasiaky marè. Nandramby fivolana indroe avao ie

Ty fandratiratia nataony:

Nivola ie hoe nivolambola fahatany avao Joba sady tokony hiala amy ty raha raty fataony (Joba 11)
Nivola ie fa olo raty Joba sady tea manao raha raty (Joba 20)