Tsy Handà ty Olo Torotoro Fo Jehovah

Nijangajanga tamy Batseba Davida. Lafa nanarini-Natana mpaminany ie le nanoratsy ty Salamo 51. Nania azy ty feoni-fieritseretany, ka niambany ie, le nieky ty hadisoany.—2Sa 12:1-14.

Nanota Davida fe mbo afaky nanasoa ty fifandrambesany tamy Jehovah

51:3, 4, 8-12, 17

• Nampijaly azy ty feoni-fieritseretany tamin’ie mbo tsy nibebaky

• Naharary ani-Davida marè ty raha nahazo azy lafa tsy nahazo hatò tamy Ndranahary, ka sahala amy lahilahy raiky potipotiky taola ie

• Tena teany laha mba engàni-Jehovah ty hadisoany, ka hifandramby soa aminy ndraiky ie sady ho falifaly manahaky ty taloha

• Niambany ie le nisoloho tamy Jehovah mba hanome azy fo manoriky safà

• Natoky ie hoe manenga hadisoa Jehovah