Mora ty Midera ani-Jehovah Lafa Mana Fiaina Tsotra

Maro ty raha manasarotsy ty fiainantsika henanizao. Mila fotoa noho hery ty fiviliana, fampiasà, fikarakarà, noho fiarova ty hananantsika. Nana fiaina tsotra Jesosy soa tsy ho voaelingelini-hanana ty fanompoany. —Mt 8:20.

Ino ty azonao atao mba hahatsotra ty fiainanao soa ho afaky hampitombo ty fanompoanao iha? Mety hisy ho afaky hanao mpisava lala va ty trano raiky aminao laha manao fanovà kelikely nareo? Ndre fa mpanompo amy fotoa iaby iha, nengànao hanasarotsy ty fiainanao tsikelikely va ty hanana? Laha tsotra ty fiainanao lafa manompo ani-Jehovah, le ho falifaly noho ho afa-po iha.—1Ti 6:7-9.

Sorato etoa ty raha azonao atao mba hahatsotra ty fiainanao.