Ampiofano Rozy mba Hanompo ani-Jehovah Tsy Tampaky

Soa laha ampiofany baka amy voalohany ty mpitory vaovao mba hanompo tsy tampaky noho hafana fo. Matetiky ty mpitory atao manahaky ani-zay ro manjary mpitory mahita vokatsy. (Oh 22:6; Fi 3:16) Retoa misy soso-kevitsy mba hahafahanao manampy ty mpianatsy Baiboly hana fototsy soa amy fanompoa:

• Avy le ampiofano ty mpianatsinao laha vo nekè ho mpitory. (km 8/15 1) Anovo ze hahatakarany fa tena ilà ty mana fahazara manompo sankerinandro. (Fi 1:10) Mivolana raha mampahery lafa miresaky mikasiky ty faritaninareo. (Fi 4:8) Ampirisiho ie mba hiaraky miasa amy ty mpiandraikitsy andia-mpitory noho ty mpitory hafa mba hahafahany miana-draha baka amin-drozy.—Oh 1:5; km 10/12 6 § 3

  

• Lafa vita batisa ty mpianatsinao, le ka mieny mampahery noho mampiofana azy amy fanompoa, sandraky laha mbo tsy nahavita ty boky “Fitiava Ndranahary” ie.—km 12/13 7

  

• Mampiasà fitoria modely lafa miaraky manompo amy mpitory vaovao. Lafa baka nitory ie, le ka misalasala manome safà fiderà. Manomeza soso-kevitsy mba hampitombo ty fahaizany.—km 5/10 7