Miezaha Hifoha Ara-panahy Noho Hazoto Lafa Misy Fiovà amy Fiainanao

Tsy maintsy misy ty fiovà, sirtò amy andro farany zao. (1Ko 7:31) Misy amy raha rey tampoky antsika, misy fa nampoizintsika, ty sisany soa, ty ilany raty. Fe lafa atao fiovà, le mety hahasarotsy ty fanompoantsika noho hampihena ty fifandrambesantsika amy Jehovah. Ka ino ty hanampy antsika hifoha ara-panahy noho hazoto avao lafa misy fiovà? Henteo ty video hoe Mifindra Pilasy fe Miory Soa Ara-panahy, bakeo valeo fanontanea retoa:

• Ino ty torohevitsy nameani-rahalahy iny ani-baba iny?

• Manino torolala amy Matio 7:25 ao io ro mahakasiky ani-fianakavia iny?

• Ino ty fiomana nataoni-fianakavia iny alohani-hifindran-drozy, le nanino raha zay ro nanampy an-drozy?

• Ino ty nanampy ani-fianakavia iny ho zatsy ty fiovà misy amy fiangona eo noho amy faritany eny?

Ino ty fiovà bevata faramparany tamy fiainako?

Akory ty hanorihako ty torolala voaresaky amy video iny amy fiainako?