Filio Soa ty Fialam-boly Hataonao

Manino tsika ro tokony hahay hifily ani-ze fialam-boly hataontsika? Satria lafa tsika mitingy filma, na hira, na raha hohentea amy internet, na boky, na jeu video, le mitingy raha hampiliry an-tsaintsika ao. Misy vokatsiny amy ty raha ataontsika ty raha filintsika. Fe mampalahelo, fa misy raha halani-Jehovah iaby ty ankamaroani-fialam-boly misy henanizao. (Sl 11:5; Ga 5:19-21) Zay mahavy ty Baiboly hampirisiky antsika tsy hieny handiniky raha manome voninahitsy ani-Jehovah avao io.—Fi 4:8.

HENTEO TY VIDEO HOE INO TY FIALAM-BOLY HOFILIKO?, BAKEO VALEO FANONTANEA RETOA:

• 

  Ino ty itovizani-fisàni-gladiatera romanina taloha tany rey amy ty fialam-boly henanizao?

• 

  Ino ty azoni-kiraidraiky amy fiangona eo atao mba hanampea ty tanora hahay hifily fialam-boly?

• 

  Fialam-boly manao akory ty tokony hofilintsika laha hentea ty Romanina 12:9?

• 

  Ino ohatsy ty fialam-boly soa mbaminareo mbeny?