Hasoavo Ty Fanompoanao: Itorio ty Olo Jiky

MANINO RO TENA ILÀ? Tsy de mahazo ay matetiky ty olo jiky lafa miresaky amin’olo tsy hainy. Midika zay hoe ilà fahaiza ty fitoria amin-drozy. Ferinesani-Jehovah ty olo jiky sady teany. (Le 19:14) Manahaky ani-Jehovah koa tsika laha manampy an-drozy ho lasa namany.

AKORY TY HANAOVA AZY?

• “Ilao” ty pilasy mety hahità azy. (Mt 10:11) Misy olo hainao va mana longo jiky? Misy lakilasy na trano fitezà olo jiky va amy faritaninareo eny, ka mety ho tea boky noho gazety ho an’olo jiky?

• Atorò hoe midary azy iha. Laha soa fanahy noho miferinay ty olo jiky iha, le hahazo ay rozy. Miezaha hanombo-dresaky amy raha mety hahakinto an-tanà eo

• Ampeo hahay ani-Jehovah ie. Nampiboaky boky noho gazety amy soraky sankarazany ty fandamina mba hanampea ty olo jiky na tsy mahita soa. Anontaneo azy ze fomba teany hampianara azy. Tokony hataoni-mpiandraikitsini-fanompoa azo antoky hoe amy soraky tean’olo jiky iny va ty boky noho gazety nihafarini-mpikarakara boky