TY FIAINANTSIKA KRISTIANA

Miezaha Hiambany Lafa Misy Midera Anao

Mety hisy olo hidera antsika kindraiky. Mampahery ty safà fiderà laha baka am-pon’olo iny sady antony soa ty anaovany azy. (Oh 15:23; 31:10, 28) Fe mila miamby soa tsika tsy no hanjary tsy hiambany noho hirengirengy lafa misy midera.

HENTEO TY VIDEO HOE KA MIVALIKY MANAHAKY ANI-JESOSY IHA: LAFA MISY MIDERA ANAO, BAKEO VALEO FANONTANEA RETOA:

Ino ty raha sisany mety hideràn’olo antsika?
Akory ty fomba nideràni-rahalahy rey ani-Serge?
Manino ro fa tafahoatsy fideràn-drozy zay?
Ino ty fianara rambesinao baka amy ty fiambaneani-Serge lafa namaly ani-fiderà azy rey ie?

Sary baka amy video ‘Ka Mivaliky Manahaky ani-Jesosy iha: Lafa Misy Midera Anao.’ Miaraky mivory anatini-tranoni-rahalahy raiky ry Serge, le midera azy rozy fe miambany ie lafa mamaly an-drozy.