Ka Mivaliky Mihintsy Sirtò amy Farany fa Marìny Zao

MANINO RO TENA ILÀ? Hisy raha miavaky hiseho tsy ho ela, ka vomaiky tena ilà ty fahasakia noho ty fatokisa ani-Jehovah. Hanomboky ty fijalea bevata lafa horavà ty fivavahan-diso. (Mt 24:21; Ap 17:16, 17) Mety hitory didim-pitsarà tsika amy fotoa io. (Ap 16:21) Hanafiky antsika koa Goga baka Magoga. (Ezk 38:10-12, 14-16) Hiaro ty vahoakiny Jehovah, ka hanomboky amy zay ty “alini-andro bevata-Ndranahary, azy Farani-Ze Mahery iny.” (Ap 16:14, 16) Tsy tokony hivaliky mihintsy tsika henanizao lafa miatriky raha sarotsy. Hana fahasakia tsika amy zay lafa ho avy raha reo.

AKORY TY HAMPISEHOA AZY?

• Miezaha hanoriky ty fitsipikini-Jehovah mikasiky fandaisam-bata.—Is 5:20

• Tohizo avao ty fiaraha amy mpiara-manompo.—He 10:24, 25

• Avy le oriho ze toromariky ameani- fandaminani-Jehovah.—He 13:17

• Vetsevetseo hoe akory ty fa nanavotani- Jehovah ty vahoakiny taloha.—2Pe 2:9

• Mivavaha amy Jehovah, le matokisa azy. —Sl 112:7, 8

HENTEO TY VIDEO HOE ILÀ FAHASAKIA TY RAHA HISEHO AMY HOAVY: TAMPATAMPANY, BAKEO VALEO FANONTANEA RETOA:

• 

  Ino ty fitsapà nahazo ani-mpitory rey, lafa natambatsy tamy fiangona hafa ty fiangonan-drozy?

• 

  Manino ty fanoriha safà ro manampy antsika hana fahasakia?

• 

  Manino tsika ro hila fahasakia lafa amy Hara-magedona?

• 

  Ino ty tantara amy Baiboly ao manampy antsika hatòky hoe afaky manavotsy antsika Jehovah?—2Ta 20:1-24