Fa aia amy lala mana amy batisa any iny ty misy anao henanizao?
TY FIAINANTSIKA KRISTIANA
Mifiliana Hanompo ani-Jehovah
Laha Kristiana tanora iha na mpianatsy Baiboly, ta ho vita batisa va iha? Manino iha ro tokony haniry hatao batisa? Lafa vita fanokanam-bata noho atao batisa iha, le manjary mana fifandrambesa manoka amy Jehovah. (Sl 91:1) Hanavotsy anao koa raha io. (1Pe 3:21) Ino ty hanampy anao hahavita ani-zay?
Mila resy lahatsy iha hoe nahita ty marina. Laha misy fanontanea mampanahiran-tsay anao, le manaova fikaroha. (Ro 12:2) Anovo hay koa hoe ino ty fiovà mila ataonao, le anovo azo antoky hoe ty hahafalifaly ani-Jehovah ro mahavy anao manao ani-zay. (Oh 27:11; Ef 4:23, 24) Milà fanampea amy Jehovah amy alalani-vavaky. Matokisa koa hoe hampahery noho hanampy anao ie amy alalani-fanahiny masy. (1Pe 5:10, 11) Tsy hisera mihintsy ty ezaky ataonao, satria ty fanompoa ani-Jehovah ro tena mahafalifaly marè amy fiaina!—Sl 16:11.
HENTEO TY VIDEO HOE MIEZAHA MBA HANDROSO AMY BATISA, BAKEO VALEO FANONTANEA RETOA:
Ino ty raha mety hisaka ty olo raiky tsy hatao batisa?
Ino ty azonao atao mba hitombo ty finoanao ka hahavita hanokam-bata ho ani-Jehovah iha?
Ino ty nandrisiky ty olo sisany mba hahavita ze ezaky mila atao mba hahavita batisa azy?
Ino ty fitahia ho azon’olo mifily hanompo ani-Jehovah?
Ino ty dikani-hoe manokam-bata noho atao batisa?