Miezaha Hafana Fo Lafa Mampianatsy

Mifindra ty hafanam-po. Mifantoky soa amy raha resahintsika ty olo lafa tsika mafana fo. Hita amy zay koa fa tena vatan-draha amintsika hafatsy andesintsika iny. Ndre manao akory ty kolontsay na ty fomba nitezà antsika, le afaky hafana fo avao tsika. (Ro 12:11) Akory ty hananantsika azy?

Voalohany, tiarovo fa vatan-draha hafatsy andesinao iny. Mana tombontsoa hanambara ty “vaovao soa mikasiky ty raha soa” iha. (Ro 10:15) Faharoe, eritsereto ty ho vokatsini-vaovao soa iny amin’olo ampianarinao. Tena mila maharè ty raha ho resahinao rozy. (Ro 10:13, 14) Farany, miezaha hafana fo lafa mivola, le aboaho amy fihetsiky voalanjalanja noho amy tarehinao ty raha tsapanao.

HENTEO TY VIDEO HOE HASOAVO TY FANOMPOANAO, LE HAHAFALIFALY ANAO TY MAMPIANATSY BAIBOLY: MIEZAHA HAFANA FO, BAKEO VALEO FANONTANEA RETOA:

• 

  Ino ty raha nampihena ty hafanam-poni-Hanta lafa nampianatsy Baiboly ani-Faly?

• 

  Ino ty nanampy ani-Hanta hafana fo ndraiky?

• 

  Manino tsika ro tokony hifantoky amy toetsy soan’olo ampianarintsika iny?

• Hanao akory ty olo ampianarintsika noho ty olo hafa laha mafana fo tsika?