Rambeso Sahala amy Reny ty Ampela be tao, le ty Tanora Sahala amy Anabavy

Resahini-Soratsy Masy, fa tokony rambesintsika sahala amy baba noho reny ty Kristiana be tao, le ty tanora sahala amy tam-po raiky amintsika. (Vakio 1 Timoty 5:1, 2.) Tokony hanaja noho hanome voninahitsy ani-ranabavy reo ty rahalahy.

Tsy azoni-rahalahy raiky atao mihintsy ty manadaladala na manao raha hampihafahafa ty ranabavy miresaky aminy. (Jb 31:1) Tsy mety laha mihisahisa ty fihetseham-poni-ranabavy raiky ty rahalahy tsy manambaly, ka manao kisary tea azy.

Tokony hijanjy soa ty anti-panahy lafa misy ranabavy manontany azy am-panajà na miresaky ty raha manahira azy. Tokony ho soa fanahy amy azy tsy manambaly reo koa ty anti-panahy satria tsy misy valy hiaro rozy.—Rt 2:8, 9.

HANTEO TY VIDEO HOE MAMPISEHOA TENA FITIAVA ANIVONI-FIANGONA EO: AMY TY KAMBOTY NOHO TY OLO FA MATY VALY, BAKEO VALEO FANONTANEA RETOA:

• 

  Akory ty nampisehoani-mpiara-manompo fitiava ani-ranabavy Myint?

• 

  Ino ty vokatsini-fitiava nasehoni-mpiara-manompo rey tamin’olo an-tanà eo?

• 

  Ino ty vokatsini-fitiava nasehoni-mpiara-manompo rey tamy anakampelani-ranabavy Myint voalohany iny?

Akory ty azonao ampisehoa fa tea noho midary ty ranabavy amy fiangonanareo eo iha?