Andrambesantsika Fianara ty Fiainani-Samoela

Tsy nivaliky tamy Jehovah mihintsy Samoela. Tsy nanao raha raty manahaky ani-Hofinia noho Finehasa, anakilahini-Ely rey ie. (1Sa 2:22-26) Nihabè teny avao Samoela, le nanampy azy avao Jehovah. (1Sa 3:19) Lafa niantitsy Samoela, le nivaliky tamy Jehovah anakiny rey. Fe mbo nanompo ani-Jehovah avao ie.​—1Sa 8:1-5.

Ino ty ianarantsika baka amy Samoela? Laha anak’ajà iha, le tiarovo fa mahay ty raha sarotsy atrehinao noho ty raha tsapanao Jehovah. Afaky manampy anao hana herim-po ie. (Is 41:10, 13) Laha baba noho reny iha, ka mana anaky niala tamy Jehovah, le hampahery anao ty raha nataoni-Samoela. Tsy afaky nanao forosè ani-anakilahiny rey hanoriky ty fitsipikini-Jehovah koa Samoela. Nankininy tamy Jehovah raha iny, le niezaky avao ie tsy nivaliky noho nampifaly ani-Babany an-danitsy any iny. Mety himpoly amy Jehovah avao anakinao iny lafa mahita ty modely soa ameanao.

HENTEO TY VIDEO HOE ANDRAMBESANTSIKA FIANARA TY TANTARAN-DROZY: SAMOELA, BAKEO VALEO FANONTANEA RETOA:

• 

  Akory ty nampisehoani-Samoela herim-po tamy ie mbo nikely?

• 

  Akory ty nampisehoani-Danny herim-po?

• 

  Ino ty modely soa nameani-Samoela lafa niantitsy ie?

• 

  Ino ty modely soa nameani-baba noho renini-Danny?