Hifindra amy Faritsy Mila Mpitory Maro

Mila mana finoa iha laha hiala amy ty pilasy nahazatsy anao, bakeo hifindra amy faritsy hafa any mba hampitombo ty fanompoanao. (He 11:8-10) Laha mieritseritsy hifindra amy faritsy mila mpitory maro iha, le miresaha amy anti-panahy aminareo eo. Ka ino ty hanampy anao hikonty ze ho lany noho hifily pilasy handehana? Henteo ty boky noho gazetintsika miresaky mikasiky fanompoa amy faritsy mila mpitory maro. Miresaha amin’olo fa nahavita nifindra noho nanampy fiangona hafa. (Oh 15:22) Mivavaha mba hahazo ty fitarihani-Jehovah. (Jk 1:5) Anovo hay soa pilasy eritseretinao hifindrà iny, le mipetraha any maharitsaritsy tse zay vo manapa-kevitsy.

HENTEO TY VIDEO HOE MANÀNA FINOA LE MILIRA AMY VARAVARA MISOKATSY HO ANI-ASA ALOHANAO EO: MIFINDRÀ AMY FARITSY MILA MPITORY MARO, BAKEO VALEO FANONTANEA RETOA:

• Ino ty raha nisaka ani-Gabriel tsy handeha, le ino ty nanampy azy?