TY FIAINANTSIKA KRISTIANA
Karoho ty Hevitsi-Ndranahary
Ta hampifalifaly ani-Jehovah tsika amy ze kila raha ataontsika. (Oh 17:11) Mba hahavitantsika ani-zay, le mila ataontsika mifanaraky amy ty hevitsiny ty fanapahan-kevitsy rambesintsika, ndre tsy misy didy na lalàna mivanta miresaky ani-raha iny aza. Ino ty hanampy antsika hanao ani-zay?
Mianara Baiboly tsy tampaky. Saky mamaky Baiboly tsika, le sahala hoe manoka fotoa hiaraha amy Jehovah. Hita amy Baiboly ao ty fomba nifandrambesany tamy ty vahoakiny, le hita ao koa ty tantaran’olo nanao raha soa na raty tanatrehany teo. Lafa dinihintsika soa raha rey le ho haintsika ty fomba fahitany raha. Lafa mila mandramby fanapahan-kevitsy tsika, le hampahatiarovini-fanahy masy antsika ty fianara noho torolala bevata nianarantsika baka amy Safà-Ndranahary ao.—Jn 14:26.
Manaova fikaroha. Lafa handramby fanapahan-kevitsy iha, le eritsereto hoe: ‘Ino ty andinin-teny na tantara amy Baiboly ao hanampy ahy hahay ty hevitsini-Jehovah mikasiky ani-zay?’ Mangataha fanampea amy Jehovah, le ampiasao ty fitaova fikaroha misy amy safànao mba hanampy anao hahita ty torolalani-Baiboly mifanandrify amy raha iainanao iny noho hanoriky ani-torolala zay.—Sl 25:4.
HENTEO TY VIDEO HOE TSY MAINTSY ‘MILAY AMIM-PAHARETA’ TSIKA: MIHINÀNA HANY MAHASALAMA, BAKEO VALEO FANONTANEA RETOA:
Ino iaby ty raha sarotsy natrehini-ranabavy tamy video iny?
Manino ro hanampy anao hiatriky raha sarotsy manahaky ani-rey ty fanaova fikaroha amy boky noho gazetintsika?
Ino ty vokany laha manoka fotoa hanaova fikaroha tsika, le manao fianara am-bata hanampy antsika handramby fanapaha-kevitsy soa?—He 5:13, 14