Afaky Manampy ty Fianakavianao ho Falifaly Kokoa Iha

Teani-Jehovah ho sambatsy ty fianakavia. (Sl 127:3-5; Mpto 9:9; 11:9) Fe mety hihena ty fifaliantsika lafa tsika tratsini-raha manahira amy tontolo toy eto na mahita ty raha tsy mety ataon’olo trano raiky amintsika. Ino ty azon’olo kiraidraiky an-trano ao atao mba hahafalifaly ty fianakaviany?

Manome voninahitsy ani-valiny ty lahilahy. (1Pe 3:7) Manoka fotoa ho ani-valiny ie. Tsy mitamà raha maro marè aminy ie sady asehony hoe ankasitrahany ty raha ataoni-valiny ho azy noho ho ani-fianakaviany. (Kl 3:15) Mampiseho fitiava ie sady midera ty valiny.​—Oh 31:28, 31.

Mila hevitsy hanohana ty valiny avao ty ampela. (Oh 31:12) Maneky ty valiny ie sady miaraky miasa soa aminy. (Kl 3:18) Soa fanahy ie lafa miresaky aminy, le miresaky raha soa koa ie lafa miresaky mikasiky azy.​—Oh 31:26.

Manoka fotoa ho ahi-ty anany ty ray aman-dreny. (De 6:6, 7) Resahiny amin-drozy hoe teany rozy. (Mt 3:17) Lafa mananatsy ty anany ty ray aman-dreny, le atorony hoe be fitiava noho mahay mandiniky ie.​—Ef 6:4.

Manaja ani-babany noho reniny ty ajà sady manoriky ty safàn-drozy. (Oh 23:22) Tsy avoniny amy ray aman-dreniny ty raha an-tsainy noho am-pony any. Maneky ty anatsy amean-drozy ie sady manaja an-drozy.​—Oh 19:20.

HENTEO TY VIDEO HOE MIEZAHA HAMPISY FIFALEA AMY FIANAKAVIANAO, BAKEO VALEO FANONTANEA TOY:

• Ino ty raha nataon-drozy kiraidraiky mba hahasambatsy ty fianakavian-drozy?