Manatanteraky ty Voady Nataony ty Olo tsy Mivaliky

Vakio Mpitsara 11:30-40 mba hahaizanao hoe manao akory manatanteraky ty voady natao zao. Miresaky mikasiky an’i Jefta noho anakampelany iny andinin-teny reo.

Diniho soa ty andinin-teny manodidy. Nanao akory ty fahitan’ny Israelita ty voady nataony tamy Jehovah? (Nom. 30:2) Akory ty nampisehoan’i Jefta noho anakampelany iny fa nino an’i Jehovah rozy?​—Mpits. 11:9-11, 19-24, 36.

Manaova fikaroha misimisy. Ino ty nampitamanin’i Jefta an’i Jehovah, le ino ty teany hovolany tamy zay? (w16.04 7 § 12) Ino ty raha tsy maintsy nafoin’i Jefta noho anakampelany iny mba hanatanteraha ty voady nataony? (w16.04 7-8 § 14-16) Ino ty voady sisany mety hataon’ny Kristiana amy zao?​—w17.04 5-8 § 10-19.

Fantaro hoe ino ty fianara azonao rambesy. Diniho zao:

• ‘Fa nivoady aho hoe hanompo an’i Jehovah avao mandrakizay. Ino ty hanampy ahy hanatanteraky an’ny raha zay avao?’ (w20.03 13 § 20)

• ‘Ino ty raha azoko ajano mba hahafahako manompo an’i Jehovah bebe kokoa?’

• ‘Ino ty hanampy ahy hitanjaky avao ty voady nataoko tamy valiko?’ (Mat. 19:5, 6; Efes. 5:28-33)