2. Akory ty ampisehoantsika fa tsy manoha ani-tontolo toy tsika?

Manahaky ani-Jesosy tsika ka tsy militsy amy politiky mihintsy. Lafa nahita ani-fahagagà nataony rey, ohatsy, ty olo le nanao forosè azy ho mpanjaka an-tany etoa, fe tsy naneky ie. (Jaona 6:15) Ino ty antony? Satria hoy ty asany: “Tsy miharo amy tontolo toy ty Fanjakàko.” (Jaona 18:36) Mpianatsini-Jesosy tsika ka tsy manoha ani-tontolo toy. Maro ty fomba ampisehoantsika ani-zay, ohatsy hoe tsy mandeha mialy. (Vakio Mika 4:3.) Manaja ty mariky amantara ty firenenantsika tsika, anatini-zay ty sainam-pirenena, fe tsy mandrengy ani-raha rey tsika. (1 Jaona 5:21) Tsy manoha sady tsy manohitsy antoko politiky na kandidà koa tsika. Raha vitsivitsy azontsika ampisehoa reo hoe ty Fanjakà-Ndranahary avao ro tohanantsika.

4. Ka manoha ani-tontolo toy mihintsy ndre an-tsainao any, ndre amy ty raha ataonao

Vakio 1 Jaona 5:21. Alefaso VIDEO toy, le iaraho midiniky fanontanea reo.

VIDEO: Manino ty Tena Kristiana ro Mila Mahasaky: Tsy Poro ani-Tontolo Toy (2:49)

• Manino Ayenge ro tsy naneky hilitsy amy antoko politiky na hanao fombafomba mampiseho fitiava tanindraza, ohatsy hoe fananganan-tsaina?

• Akory ty hevitsinao, nahay nanapa-kevitsy va ie?

Amy raha manao akory koa ro mety ho sarotsy amintsika ty tsy hanoha ani-tontolo toy? Alefaso VIDEO toy, le iaraho midiniky fanontanea reo.

VIDEO: Nianarantsika Tamy Tilikambo Fiambena: Ka Manoha ani-Tontolo toy Mihintsy (5:16)

• Akory ty ampisehoantsika hoe tsy manoha ani-tontolo toy tsika lafa manenty sporo iraisam-pirenena?

• Akory ty ampisehoantsika hoe tsy manoha ani-tontolo toy tsika, lafa misy vokany amy fiainantsika manoka ty fanapahan-kevitsini- mpanao politiky?

• Ino ty mety ho vokany laha zatsy manaraky vaovao politiky tsika na minama amin’olo tea miresaky politiky?