Tahafo Josefa le Ilaiso ty Fijangajangà

Modely soa Josefa laha manaly ta hijangajanga tsika. Nihaminkamy noho nitao azy avao valini-tompony iny, fe tsy naneky mihintsy ie. (Ge 39:7-10) Hoy ty navaliny: “Hataoko akory ty hanao raha raty biby zay, ka hanota amy Ndranahary?” Hita baka amy zay fa fa nihainy hoe vatan-draha amy Jehovah ty hoe tsy mivaliky amy valiny ty olo manambaly. Ka lafa nihananjeky raha iny, le nilay ie fa tsy nandiny teo avao tsy no hovoalemilemini-ampela iny ka tsy ho tapa-kevitsy hanao raha soa sasy.—Ge 39:12; 1Ko 6:18.

HENTEO TY VIDEO HOE ILAISO TY FIJANGAJANGÀ, BAKEO VALEO FANONTANEA RETOA:

• 

  Ino ty raha sarotsy natrehini-Jimmy?

• 

  Ino ty fanontanea nieritseretini-Jimmy lafa ie nangatahini-Monica hanampy azy amy devoarany?

• Ino ty vokatsini-fangatahani-Monica iny tamy Jimmy?

• 

  Ino ty nanampy ani-Jimmy?

• 

  Ino ty nataoni-Jimmy mba hilaisany ty fijangajangà?

• Ino ty nianaranao baka amy video iny?