FIANARA 15

Matoky Lafa Mivola

1 Tesalonianina 1:5

INO TY IANARA ATO? Atorò fa mino iha hoe marina ty raha volaninao sady vatan-draha.

Manomàna soa. Ianaro soa ty anjaranao zisiky ahazoanao hoe manino porofo baka amy Baiboly ao rey ro manoha ani-hevitsy bevata rey. Andramo resahy amy safà tsotra vitsivitsy ty hevitsy bevata amy fanazavanao. Mifantoha amy hoe manino raha io ro manampy ty mpijanjy anao. Mangataha fanahy masy.

Ataovo rè soa ty feonao lafa manao famerena, amy zay ho zatsy anao soa fanazavà iny sady hihasoa ty fanaovanao azy.
Mampiasà safà mampiseho fatokisa. Miresaha amy fivolananao, fa ka mampimpoly avao ani-ze voasoratsy ao. Filio ze safà mampiboaky soa hoe atokisanao ty raha volaninao.
Atorò hoe vatan-draha ty safànao sady baka amy fo. Ataovo ampy soa ty fareni-feonao. Henteo amy masony ty mpijanjy, laha tsy mampeloky olo ty fanaova ani-zay.

Ka afangaro ty hoe matoky lafa miresaky noho ty hoe mivantambanta, mizizo amy ty hevitsiny, na manerisery. Teanao haseho amy mpijanjy anao hoe vatan-draha ty safànao, fe ampirisiho am-pitiava avao rozy.