Fitiava ro Ahaiza ty Kristiana Marina: Arovo fa Lafovily ty Fiharoa Raiky

MANINO RO TENA ILÀ? Tamy haly talohani-nahafatesany iny, le nivavaky Jesosy mba ‘tena hiharo raiky’ ty mpianatsiny. (Jn 17:23) Tsy maintsy mana ani-fitiava “tsy mitanjaky lolompo” iny tsika mba hahavy antsika hiharo raiky.—1Ko 13:5.

AKORY TY HAMPISEHOA AZY?

• Tahafo Jehovah, ka henteo ty toetsy soa ananani-hafa

• Mahaiza manenga hadisoa vatany

• Lafa vita lamy ty raha raiky, le ka ampoly sasy.—Oh 17:9

HENTEO TY VIDEO HOE “MIFANKATIAVA NAREO”: KA MITANJAKY LOLOMPO, BAKEO VALEO FANONTANEA RETOA:

• Tamy tampany voalohany amy video iny, ino ty mampiseho hoe ‘nitanjaky lolompo’ Helène?

• Tamy tampany faharoe tamy video iny, ino ty nanampy ani-Helène tsy hieritseritsy raha mahakivy fa hifantoky amy raha soa?

• Tamy farany, ino ty nataoni-Helène mba hitombo ty fiharoa raiky amy fiangona eo?