Omano ty Fonao

Lafa mianatsy Baiboly tsika, le teantsika laha misy vokany amy ty eritseritsintsika laliky, ty fihetseham-pontsika, noho ty faniriantsika ty raha ianarantsika mikasiky an’i Jehovah. Tena modely soa amy zay Ezra. ‘Nomaniny ty fony’ lafa ie ‘handiniky ty Lalànan’i Jehovah.’ (Ezra 7:10) Akory ty hanahafantsika an’i Ezra?

Mivavaha. Mivavaha avao saky hianatsy. Angataho Jehovah mba hanampy anao hahazo soa noho hanoriky ty raha ianaranao.​—Sal. 119:18, 34.

Miezaha hiambany. Tsy ampahaizi-Ndranahary fahamarina ty olo mirengirengy noho miantehitsy amy ty fahaizany manoka. (Lioka 10:21) Mitandrema koa tsy no mba hampieky olo avao ro antony anaovanao fikaroha. Lafa hitanao hoe misy raha mila ovanao, le miambanea ka ovao raha zay mba hifanaraky amy ty ahi-Ndranahary.

Mijanjina raiky amy hiran’ny Fanjakà iny. Misy heriny amy fontsika ty moziky sady manoma antsika lafa tsika hianatsy mikasiky an’i Jehovah. Ka laha iha mijanjy ty hiran’ny Fanjakà iny alohan’ny hianaranao, le mety hanampy anao raha zay mba hanoma ty fonao.