Manino ty Vavolombelo Jehovah ro Tsy Mampiasa Lakroa?

Olo maro ro mieritseritsy fa ty lakroa ro famantara ahaiza ty Kristiana iaby iaby. Kristiana ty Vavolombelo Jehovah, fe tsy mampiasa lakroa zahay. Fa manino?

Satria atoro ty Baiboly fa tsy nimaty tamy lakroa Jesosy fa tamy tsato-kazo tsotra. Mbo mampitao ty Kristiana koa ty Baiboly hoe: “Ilaìso ty fanompoa sampy”, tafilitsy amy zay ty fampiasà lakroa.—1 Korintianina 10:14; 1 Jaona 5:21.

Ho zao koa ty nambara Jesosy: “Laha mifankatea nareo, le zay ro hahaiza ty olo iaby fa mpianatsiko nareo.” (Jaona 13:34, 35) Hita baka amy safà Jesosy zay, fa ty fitiava feno fahafoizam-bata ro amantara ty mpanori-dia azy vatany, fa tsy ty fampiasà lakroa na sary hafa.