Eperu
2 O le mea lea e tatau ai ona tatou matuā uaʻi atu i mea ua tatou faalogo+ i ai, ina neʻi o tatou tafetafea ese mai i le faatuatua.+ 2 Auā afai na faamautūina upu na ala mai i agelu,+ ma na tauia ma le tonu foʻi agasala ma amioga lē usiusitaʻi uma lava;+ 3 e faapefea la ona tatou sao+ pe afai tatou te faatamala+ i le faaolataga e matuā tele,+ lea na muamua fetalai i ai lo tatou Alii+ ma na faamaonia+ mai iā i tatou e ē na faalogo iā te ia? 4 Na molimau mai foʻi le Atua e ala i faailoga, o mea ofoofogia, ma galuega mamana eseese,+ ma le tufatufaina o meaalofa a le agaga paia+ e tusa ma lona finagalo.+
5 Auā e na te leʻi faatoʻilaloina i agelu le lalolagi*+ o loo fotuaʻi mai, lea o loo tatou talanoa atu ai. 6 Ae na tusia e se tasi o molimau e faapea: “O ai ea le tagata ua e manatu mai i ai,+ po o le atalii o le tagata ua e tausia ai o ia?+ 7 Ua e faamaulaloina teisi o ia i agelu; ua e faapaleina foʻi o ia i le mamalu ma le viiga,+ ma ua e tofia o ia e pule i galuega a ou aao.+ 8 Ua e faatoʻilaloina mea uma lava i lalo o ona vae.”+ Auā ua ia faatoʻilaloina mea uma iā te ia,+ ma e leʻi tuua e le Atua se mea e leʻi toʻilalo iā te ia.+ Ae peitaʻi, e leʻi oo ina tatou vaaia le faatoʻilaloina o mea uma iā te ia;+ 9 a ua tatou vāai iā Iesu, o lē na faamaulaloina teisi i agelu,+ na faapaleina i le mamalu+ ma le viiga ona o le tigā o le oti,+ ma ona o le agalelei faifua o le Atua, na oo ai le oti iā te ia ona o tagata uma.+
10 Auā e tatau i lē ua faia mea uma mo ia,+ ma o lē ua ala ai ona iai mea uma, ona aumaia atalii e toʻatele i le mamalu,+ ina ia faaatoatoaina le Sui Sili+ o lo latou faaolataga e ala i mafatiaga.+ 11 Auā e toʻatasi le tamā+ na tupuga mai ai lē na te faapaiaina ma ē ua faapaiaina,+ ma o le māfuaaga lenā e lē mā ai o ia e taʻua i latou o “uso,”+ 12 e pei ona ia faapea mai: “Ou te taʻutaʻu atu lou suafa i oʻu uso, ou te vivii atu iā te oe i pesega i totonu o le faapotopotoga.”+ 13 Ua ia toe faapea mai: “Ou te faatuatuaina o ia.”+ Ua toe faapea mai foʻi: “Faauta! O aʻu ma le fanau, o ē ua foaʻi mai e Ieova iā te aʻu.”+
14 Ona o le “fanau” ua iai toto ma aano, na faapea foʻi ona iai iā te ia o toto ma aano,+ ina ia mafai ona ia faaumatia+ e ala i lona maliu,+ o lē ua iai le malosi e faaoo ai le oti,+ o le Tiapolo lea;+ 15 ina ia mafai ai ona ia faasaʻolotoina+ i latou uma o ē na faapologaina i o latou olaga atoa,+ ona o le fefe i le oti.+ 16 Auā e lē o fesoasoani atu lava o ia i agelu, ae o loo fesoasoani atu i le fanau a Aperaamo.+ 17 O le mea lea na tatau ai ona pei o ia o ona “uso” i mea uma lava,+ ina ia mafai ona avea o ia ma ositaulaga sili e alofa mutimutivale ma faamaoni i mea a le Atua,+ ina ia mafai ona ia ofoina atu le taulaga o le leleiga+ ma le Atua mo agasala a le nuu.+ 18 Talu ai na mafatia o ia ina ua tofotofoina,+ ua mafai ai ona ia fesoasoani i ē ua tofotofoina.+