116 Ou te alofa, auā e faafofoga mai Ieova+
I loʻu leo ma aʻu ʻaiʻoiga.+
2 Auā na faafofoga mai o ia iā te aʻu,+
Ou te valaau atu iā te ia i aso uma o loʻu ola.+
3 Na siʻomia aʻu i maea o le oti+
Na maua aʻu e puapuaga o le Tuugamau.+
Na ou maua pea puapuaga ma mafatiaga.+
4 Ae ou te valaau i le suafa o Ieova:+
“Ieova e, ou te ʻaiʻoi atu ia e saunia se mea ou te sao ai!”+
5 O Ieova e alofa fua ma e amiotonu;+
O lo tatou Atua o Lē e alofa mutimutivale.+
6 O loo leoleo e Ieova i latou e leai se poto masani.+
Na ou vaivai foʻi, ona ia faaolaina lea o aʻu.+
7 O aʻu nei, ia ou toe foʻi atu i loʻu mapusaga,+
Auā ua agalelei mai Ieova iā te aʻu.+
8 Auā ua e laveaʻiina aʻu mai i le oti,+
O oʻu mata neʻi tagi, ma oʻu vae neʻi tautevateva.+
9 Ou te savali+ i luma o Ieova i le nuu o ē e ola.+
10 Na ou tautala atu+ ona o loʻu faatuatua.+
Na ou matuā mafatia lava.
11 O aʻu nei, sa ou faapea atu ina ua ou popolevale:+
“E pepelo tagata uma.”+
12 O le ā se mea ou te totogi atu iā Ieova+
Ona o mea lelei uma ua ia faia iā te aʻu?+
13 Ou te ave aʻe le ipu o le faaolataga tele,+
Ma ou valaau atu i le suafa o Ieova.+
14 Ou te avatu iā Ieova mea na ou tautō ai,+
Ioe, i luma o lona nuu uma.
15 E tautele i le silafaga a Ieova
Le oti o ona tagata faamaoni.+
16 Ieova e, ou te ʻaiʻoi atu,+
Auā o aʻu o lau auauna.+
O aʻu o lau auauna, o le tama tama a lau teine pologa.+
Ua e tatalaina oʻu noanoataga.+
17 Ou te ofo atu iā te oe le taulaga o le faafetai,+
Ma ou valaau atu i le suafa o Ieova.+
18 Ou te avatu iā Ieova mea na ou tautō ai,+
Ioe, i luma o lona nuu uma.+
19 I lotoā o le fale o Ieova,+
I totonu o oe Ierusalema e.+
O outou le nuu e, inā vivii atu ia iā Ioa!+