Mareko

15 Ua oo i le tafa o ata, ona fono+ loa lea o le ʻaufaitaulaga sili, le ʻautoeaina, ma le ʻautusiupu, e oo foʻi i alii uma o le Faamasinoga Sili, ua latou saisai iā Iesu, ona taʻitaʻiina atu lea o ia ma tuuina atu iā Pilato.+ 2 Ona fesili mai lea o Pilato iā te ia: “Po o oe ea o le tupu+ o tagata Iutaia?” A ua tali atu o ia: “O lenā tonu lava ua e fai mai ai.”+ 3 A ua tuuaʻia o ia e le ʻaufaitaulaga sili i le tele o mea.+ 4 Ona toe fesili mai lea o Pilato iā te ia: “Aiseā ua e lē tali mai ai?+ Seʻi vaai i le tele o mea ua latou tuuaʻia ai oe.”+ 5 Ae e leʻi toe tali atu lava Iesu, ma ua ofo ai Pilato.+

6 O le mea moni, a o faia lenei tausamiga,* e masani ona ia faasaʻolotoina ai se pagota o lē ua latou talosaga atu i ai.+ 7 O le taimi lea, o loo latou taofia ai se tasi e igoa iā Parapa faatasi ma ni tagata fouvale, o ē na latou fasiotia ni tagata i la latou fouvalega.+ 8 Ona ō mai lea o le motu o tagata ma talosaga mai e tusa ma le mea e masani ona ia faia mo i latou. 9 Ua tali atu Pilato iā i latou: “Pe tou te mananaʻo ou te faasaʻolotoina le tupu o tagata Iutaia?”+ 10 Ua ia iloa ona o lo latou matauʻa+ ua tuuina atu ai o ia e le ʻaufaitaulaga sili.+ 11 A ua faaoso e le ʻaufaitaulaga sili le motu o tagata e talosaga mai iā te ia, ina ia faasaʻoloto iā Parapa ae e lē o Iesu.+ 12 Ua toe tali atu Pilato iā i latou e faapea: “O le ā la se mea ou te faia iā te ia, o lē ua outou taʻua o le tupu+ o tagata Iutaia?”+ 13 A ua latou toe alalaga mai: “Ia tutuʻi o ia i luga o le laau!”+ 14 Ua toe faapea atu Pilato iā i latou: “Aiseā, o le ā se mea leaga ua ia faia?” A ua atili ai ona latou alalaga mai: “Ia tutuʻi o ia i luga o le laau!”+ 15 Ona o le manaʻo o Pilato e faamalie le motu o tagata,+ ua ia faasaʻolotoina ai Parapa. Ina ua uma ona sasa o Iesu, ona ia tuu atu lea o ia e tutuʻi i luga o le laau.+

16 Ona ave lea o ia e fitafita i le lotoā, i le maota o le kovana, ma ua latou faapotopoto le ʻaufitafita uma,+ 17 ua latou faaofu iā te ia i le ofu violē, ma ua latou fili foʻi se pale tuitui ma tuu i lona ao.+ 18 Ua faapea mai foʻi iā te ia: “Talofa+ le Tupu o tagata Iutaia!” 19 Ua latou tā foʻi i lona ao i le ū ma tuufeanu iā te ia, ua latou tootutuli ma ifo mai iā te ia.+ 20 Ua latou ula iā te ia, ona latou tatala ese lea o le ofu violē ae faaofu i lona ofu tele. Ona latou taʻitaʻi atu lea o ia ina ia tutuʻi i luga o le laau.+ 21 Ua latou faatonuina foʻi se tagata na ui ane, o Simona mai Kurene, e sau mai i nuu i tua, o le tamā o Alesana ma Rufo, ina ia amoina le laau e faapuapuagatia*+ ai Iesu.

22 Ona latou aumaia lea o ia i Kolokota, o lona uiga pe a faaliliuina, o le fanua ua taʻua o le Ulupoo.+ 23 Ona latou avane lea iā te ia o le uaina ua fefiloi faatasi ma le muro+ e faainu ai o ia, ae e na te leʻi inuina.+ 24 Ua latou tutuʻia o ia i luga o le laau, ona tufatufa lea o ona ofu+ e fai ai le vili, ina ia iloa ai po o ai o le a mauaina.+ 25 Ua oo i le itula e tolu*+ ona latou tutuʻia lea o ia i luga o le laau. 26 Ua tusia foʻi i ona luga aʻe upu na tuuaʻia+ ai o ia, “O le Tupu o tagata Iutaia.”+ 27 Ua faatautau foʻi faatasi ma ia tagata faomea e toʻalua, o le tasi i lona itu taumatau ma le isi i lona itu tauagavale.+ 28 * —— 29 Ua faatauemu+ iā te ia tagata ua ui ane, ua lūlū o latou ulu ma faapea mai: “Ue! O oe na o lē sa faapea mai e mafai ona e tala i lalo le malumalu ma toe faia i aso e tolu,+ 30 ia e faaola iā te oe i lou alu ifo i lalo mai le laau e faapuapuagatia ai.”+ 31 Ua faapena foʻi ona ula le ʻaufaitaulaga sili, ma le ʻautusiupu ma faapea ane le tasi i le isi: “Sa ia faaolaina isi; ae ua lē mafai ona ia faaola iā te ia lava!+ 32 Seʻi alu ifo nei loa le Keriso le tupu o Isaraelu, i lalo mai le laau, ina ia tatou vāai ma talitonu i ai.”+ E oo foʻi i ē ua faatautau faatasi ma ia, ua fai upuleaga iā te ia.+

33 Ua amata ona pogisa le nuu atoa i le itula e ono* seʻia oo i le itula e iva.*+ 34 I le itula e iva, ua alaga leotele ai Iesu e faapea: “Eli, Eli, lama sapatani?” o lona uiga pe a faaliliuina: “Loʻu Atua e, loʻu Atua e, aiseā ua e tuulafoaʻiina ai aʻu?”+ 35 Ua faalogo mai isi o i latou o loo tutū latalata ane, ona latou faapea lea: “Seʻi vaai! O loo valaau atu o ia iā Elia.”+ 36 Ona tamoʻe atu lea o le tasi tagata, ma fufui le omomi i le uaina oona, ma tuu i le pito o le ū, ma avatu e inu+ ai o ia ma faapea atu: “Tuu ai pea o ia! Seʻi o tatou vāai pe sau Elia e ave ifo iā te ia i lalo.”+ 37 Ae ua alaga leotele Iesu, ona maliu ai lea o ia.+ 38 Ona saeluaina ai lea mai i luga e oo i lalo+ le ʻie puipui+ o le malumalu. 39 Ua iloa e le taʻitaʻiʻau o loo tū latalata ane, mea ua tutupu i le taimi o lona maliu, ona ia faapea ane lea: “E moni, o le Alo lava lenei o le Atua.”+

40 O loo iai foʻi ni fafine o loo vaavaai mamao mai,+ e aofia ai Maria le Makatala, o Maria le tinā o Iakopo le Itiiti ma Iose, ma Salome,+ 41 o ē na masani ona latou ō faatasi+ ma auauna iā te ia a o iai o ia i Kalilaia, ma le toʻatele foʻi o isi fafine na ō mai faatasi ma ia i Ierusalema.+

42 Ua oo i le afiafi, ma ona o le aso o le Sauniuniga, o lona uiga o le aso a o leʻi oo i le sapati, 43 ua sau ai Iosefa le Arimataia, o se sui aloaʻia o le Fono, o lē ua faatalitali foʻi i le malo o le Atua.+ Ua lototele o ia e alu atu iā Pilato ma talosaga atu mo le tino+ o Iesu. 44 Peitaʻi ua fia iloa e Pilato po ua maliu o ia, ona ia aami lea i le taʻitaʻiʻau ma fesili atu po ua maliu o ia. 45 O lea, ina ua mautinoa mai i le taʻitaʻiʻau ua maliu o ia, ona ia faataga lea o Iosefa e ave lona tino.+ 46 Ua ia faatau mai foʻi se ʻie lino lelei, ma ua ave ifo lona tino i lalo ma afīfī ai. Ua ia tuu lona tino+ i totonu o le tuugamau+ lea na vaneina i le papa; ma ua ia fuli atu foʻi se maa i le gutu o le tuugamau.+ 47 A ua vaavaai atu pea Maria le Makatala ma Maria le tinā o Iose i le mea ua tuu ai o ia.+