12 O le a tatala atu e Ieova iā te oe ana fale teuoloa lelei, o le lagi lea, e na te faatotō ifo le timu i lou fanua i ona tau,+ e na te faamanuia foʻi i galuega uma a ou lima;+ e te nonō atu mea i le tele o atunuu, a o oe e te lē nonō mai.+

23 O le a ia foaʻi mai lava le timu i au fatu e lūlūina i le eleele, ma o meaʻai o fua ia o le eleele,+ e lololo ma gaʻoa.+ E aai lau lafu i le fanua lafulemu.+

26 Ou te faia i latou ma mea e siʻomia ai loʻu mauga ma mea e manuia ai,+ o le a ou faatotō ifo foʻi timuga i lona lava taimi. O le a iai timuga o faamanuiaga.+

23 O outou le fanau a Siona e, ia outou fiafia ma olioli iā Ieova lo outou Atua;+ auā o le a ia avatu iā te outou le timu talafeagai i le tau e afu ai mea,+ o le a faatotō ifo foʻi iā te outou timuga, o le timu i le tau e afu ai mea ma le timu i le tau e totogo ai mea, e pei ona sa iai muamua.+

7 “‘A o aʻu, na ou taofia le totō ifo o timuga iā te outou a o toe tolu masina oo i le seleselega;+ ma na ou faatotō ifo le timu i le tasi aai, ae ou te leʻi faatotō ifo le timu i le isi aai. E oo le timu i le tasi fanua ae ou te leʻi faatotō ifo le timu i le isi fanua ma mago ai.+