15 Ona ō lea o le nuu uma i Kilikala, ua latou faia foʻi Saulo ma tupu i luma o Ieova i Kilikala. Ua latou faia taulaga faifaatasi i inā i luma o Ieova,+ ma ua matuā olioli ai Saulo ma tagata uma o Isaraelu.+

13 Ona fai atu lea o Samuelu iā Saulo: “Ua e valea ina ua e faia o lenei mea.+ Ua e lē tausia le poloaʻiga+ a Ieova lou Atua na ia poloaʻi atu ai iā te oe,+ auā ana e faia faapea, semanū ua faatumauina e Ieova lou malo iā Isaraelu i aso uma lava.

26 A ua fai atu Samuelu iā Saulo: “Ta te lē toe foʻi ma oe, auā ua e lafoaʻia le afioga a Ieova, ua tuulafoaʻi foʻi oe e Ieova i le avea pea ma tupu iā Isaraelu.”+

23 Ina ua oo iā Saulo le agaga o le Atua, ona tago ai lea o Tavita i le kitara ma tā i lona lima; ua mapu ai Saulo ma ua lelei iā te ia, ona alu ese ai lea o le agaga leaga mai iā te ia.+

7 Mulimuli ane, ua fai mai Saulo i ana auauna: “Ia saʻili mai mo aʻu se matai fafine o lē e saʻili i agaga,+ ou te alu atu iā te ia ma fesili atu iā te ia.” Ona fai atu lea o ana auauna iā te ia: “Faauta! O loo iai se matai fafine o lē e saʻili i agaga i Enetoro.”+

4 Ona fai atu lea o Saulo i lē o loo aveina ana meatau: “Inā seʻi ia lau pelu+ ma tutuʻi mai iā te aʻu, ina neʻi ō mai na tagata lē peritomeina+ ma tutuʻi mai iā te aʻu, ma matuā faasauā iā te aʻu.” Ae e leʻi loto i ai lē na aveina ana meatau,+ auā na matuā fefe lava o ia. Ona tago lea o Saulo i le pelu ma faapaʻū i ona luga.+

23 Sa agaalofa ma tausaafia Saulo ma Ionatana+ i taimi a o la soifua mai,

E lē o tuueseesea foʻi i laʻua i lo la maliu.+

E sili atu lo la saosaoa nai lo o aeto,+

E sili atu foʻi lo la malolosi nai lo o leona.+

21 Ae na amata mai i lenā taimi ona latou talosaga mo se tupu,+ ona tuuina mai lea e le Atua iā i latou o Saulo le atalii o Kiso, o se alii mai i le ituaiga o Peniamina,+ mo tausaga e fā sefulu.