15 Ona ia fai atu lea iā te ia: “Faamolemole lava! Ieova e, o ā ni mea ou te faaolaina ai Isaraelu?+ Faauta! O loʻu aiga* e aupito i faatauvaa i Manase, ma o aʻu foʻi e aupito i itiiti i le aiga o loʻu tamā.”+

34 E aamu+ o ia e tusa ai ma ē e tauemu;+ ae e finagalo malie o ia iā i latou e lotomaulalo.+

2 Po ua oo mai ea le faamaualuga? Ona oo mai ai lea o le faalumaina;+ ae e iai le atamai i ē e faamaulalo.+

12 E muamua le lotofefete o le tagata i le paʻū,+ e muamua foʻi le lotomaulalo i le mamalu.+

4 O le iʻuga o le lotomaulalo ma le mataʻu iā Ieova, o le tamaoaiga, o le mamalu ma le ola lea.+

11 Auā o sē e faaeaina o ia lava e faamaulaloina lea, a o sē e faamaulalo o ia iā te ia, e faaeaina lea.”+

6 Ae peitaʻi, e sili atu lava le agalelei faifua+ ua ia foaʻi mai. O lea ua faapea mai ai: “E tetee atu le Atua i ē e faamaualuluga,+ ae foaʻi mai le agalelei faifua i ē e lotomaulalo.”+

5 Ia faapea foʻi outou tauleleʻa, ia gauaʻi+ i toeaina. Ia fusia foʻi outou uma i le lotomaulalo o le tasi i le isi,+ auā e tetee le Atua i ē e faamaualuluga, ae e foaʻi mai e ia le agalelei faifua i ē e lotomaulalo.+