Lomiga Faale-Tusi Paia I LE INITANETI

Lomiga Faale-Tusi Paia I LE INITANETI

Lomiga Faale-Tusi Paia

Numera 35:33

O le Tusi Paia—O le Faaliliuga a le Lalolagi Fou
- 33 “‘Aua foʻi tou te faaleagaina le laueleele tou te nonofo ai; auā ua faaleagaina le laueleele i le toto,+ e lē mafai ona togiolaina le laueleele ona o le toto ua faamaligiina i ai seʻi vaganā ai le toto o lē ua faamaligiina le toto.+

Teuteronome 19:10

O le Tusi Paia—O le Faaliliuga a le Lalolagi Fou
- 10 ina ia aua neʻi faamaligiina le toto o se tasi ua lē sala+ i lou laueleele e tuu mai e Ieova lou Atua iā te oe e fai ma ou tofi, ma e te lē nofosala ai i le faamasaatoto.+

2 Tupu 21:16

O le Tusi Paia—O le Faaliliuga a le Lalolagi Fou
- 16 Na faamasaaina+ foʻi e Manase le toto o le toʻatele o tagata e lē sala, seʻia oo ina tumu ai Ierusalema mai i le tasi itu e oo atu i le isi itu, e ese mai i lana agasala na ia faapogaia ai Isaraelu e agasala, i lona faia o le mea leaga i le silafaga a Ieova.+

Salamo 106:38

O le Tusi Paia—O le Faaliliuga a le Lalolagi Fou
- 38 Na latou sasaa pea le toto o ē e lē sala,+
  O le toto o o latou atalii ma o latou afafine,
  O ē na latou faataulagaina i tupua o Kanana;+
  Ona leaga ai lea o le laueleele i le totomasaa.+

Ieremia 2:34

O le Tusi Paia—O le Faaliliuga a le Lalolagi Fou
- 34 Ua iloa foʻi i ou pito ofu le toto o ola+ o tagata matitiva e lē sala.+ E lē faapea ona sa latou osofaʻi atu na ou iloa ai, ae ua iai i ia mea uma.+

Ieremia 19:4

O le Tusi Paia—O le Faaliliuga a le Lalolagi Fou
- 4 auā ua latou tuua aʻu+ ma faia lenei nofoaga ina ia lē toe iloa,+ ua latou faamū ai foʻi le taulaga i isi atua latou te lē iloa,+ o i latou, o o latou augātamā, ma tupu o Iuta; ua latou faatumu foʻi lenei mea i le toto o ē e lē sala.+

Ieremia 22:17

O le Tusi Paia—O le Faaliliuga a le Lalolagi Fou
- 17 ‘E moni lava ua uaʻi atu lau vaai ma lou loto i au polofiti e maua mai i faiga faagaoi,+ ma ua sasaa le toto o lē ua lē sala,+ ma mea e ave faagaoi, ma mea e faoa, ina ia faia ai pea na mea.’