33 Ou te faataapeapeina outou i atunuu,+ ou te seʻi aʻe le pelu e tuliloa atu iā te outou;+ e faatafunaina lo outou atunuu,+ ma e faatamaʻia o outou aai.

26 ou te faia le lagi ma le lalolagi ma molimau e faasaga iā te outou,+ o le a vave ona matuā faaumatia outou mai i le laueleele lea o le a outou sopoʻia atu ai Ioritana ina ia fai mo outou. E lē faaumiumi o outou aso i lea laueleele, auā o le a matuā faaumatia outou.+

36 O le a faasavali e Ieova oe+ ma lou tupu,+ o lē o le a e tofia e pule iā te oe i se atunuu e te lē iloa, o oe po o ou augātamā; o le a e auauna i inā i isi atua, o atua ua faia i laau ma maa.+

64 “E faataapeapeina e Ieova oe i nuu uma mai i le tasi pito o le lalolagi e oo i le isi pito o le lalolagi,+ ma o i inā e te auauna ai i isi atua e te leʻi iloa muamua, o oe po o ou augātamā, o atua e faia i laau ma maa.+

27 Ua fetalai mai foʻi Ieova: “Ou te aveesea Iuta+ mai i oʻu luma,+ e pei ona ou aveesea o Isaraelu;+ ou te matuā teena foʻi lenei aai na ou filifilia e oo lava iā Ierusalema, faapea ma le fale na ou fai atu ai, ‘E tuu ai pea loʻu igoa i inā.’”+

9 ou te tuuina atu i latou ina ia gatete ai, ma ia puapuagatia ai i malo uma o le lalolagi,+ e avea foʻi i latou ma luma, o upu faatusa, ma tauemuga,+ ma malaia,+ i mea uma ou te faataapeape i ai i latou.+

11 E avea lenei laueleele uma ma mea e faatafunaina, ma mea e ofo ai, e auauna foʻi nei atunuu i le tupu o Papelonia i tausaga e fitu sefulu.”’+

25 “‘Auā o aʻu lava o Ieova, o le upu ou te tautala atu ai o le upu lava lea ou te tautala ai, ma e faataunuuina lava.+ Le aiga fouvale e, e lē toe tolopōina,+ auā i o outou aso,+ ou te tautala atu ai i le upu ma e faataunuuina lava,” ua fetalai mai ai le Alii Pule Silisili Ese o Ieova.’”

14 O aʻu o Ieova ua ou fai atu ai.+ O le a oo mai lava,+ ma ou te faia lava. Ou te lē faatamala lava,+ ou te lē faapelepele+ foʻi pe suia loʻu manatu.+ O le a latou faamasinoina oe e tusa ma ou ala ma au mea na fai,’+ ua fetalai mai ai le Alii Pule Silisili Ese o Ieova.”