45 “E oo iā te oe nei malaia+ uma ma tuliloa iā te oe, ma maua ai oe seʻia oo ina faaumatia oe,+ auā ua e lē faalogo i le siʻufofoga o Ieova lou Atua, e ala i lou lē tausia o ana poloaʻiga ma ana tulafono na ia poloaʻi atu ai iā te oe.+

14 Ona auina atu lea o se feʻau e Esekia le tupu o Iuta i le tupu o Asuria i Lakisa, ua faapea atu: “Ua ou agasala. Ia e liliuese mai iā te aʻu. Ou te avatu foʻi iā te oe mea uma e te finagalo i ai.”+ Ona tāpā lea e le tupu o Asuria mai iā Esekia le tupu o Iuta, o taleni siliva e tolu selau+ ma taleni auro e tolu sefulu.

24 Ua faailoa atu foʻi iā te outou, e faasā ona tāpā ni lafoga, po o ni tupe mo le malo,+ po o ni lafoga o auala+ mai i le ʻauositaulaga,+ o le ʻau sa Levī,+ o tagata pepese,+ o leoleo faitotoʻa,+ o le ʻau Netini,+ ma ē e galulue i le fale o le Atua.