11 Ona valaau lea o Asa iā Ieova lona Atua,+ ua faapea atu: “Ieova e, e lē o se mea faigatā iā te oe ona fesoasoani mai, e tusa lava pe toʻatele po o ē e leai so latou malosi.+ Ieova e, lo matou Atua, ia e fesoasoani mai iā i matou, auā e matou te faalagolago atu iā te oe,+ o lou suafa+ foʻi ua matou ō mai ai e tau ma lenei motu o tagata. Ieova e, o oe o lo matou Atua.+ Aua neʻi malo mai tagata faatauvaa iā te oe.”+

6 ua ia faapea atu:+

“Ieova e, le Atua o o matou augātamā,+ pe e lē o oe ea o le Atua o le lagi,+ pe e te lē o pule ea foʻi i malo uma o nuu,+ po ua lē o i lou aao ea le mana ma le malosi, e leai foʻi se tasi e mafai ona faasagatau atu iā te oe?+